என் வீட்டில் ஒரு பூனைக்குட்டி

கறுப்பும் வெள்ளையுமாய் நீண்ட
புஷ்டியான அழகிய
வாலுடன்

என் வீட்டில் ஒரு பூனைக்குட்டி
அது
கண்மூடிப் படுத்திருக்கும் அழகே தனி.

ஏதோ ஒரு 'ஞானி' போல...
எப்போதும் நித்திரைதான்.

உலக நடப்புகளில் தனக்கு
'சம்பந்தம்' இல்லாததுபோல
எப்போதும் 'அமைதி'தான்.

ஆக்ரோஷமாய் கத்தி பயனில்லை என்பதுபோல
என் வீட்டில் ஒரு பூனைக்குட்டி.

தன் முன்னே பாய்ந்துவரும் எலியைக்கூட
தீண்டாது.

'மனிதாபிமானத்' தன்மையோடு
நாயைக்கண்டால்
ஓடி ஒளிந்துகொள்ளும்.

'பயங்கரவாதம்' கூட
புரிந்ததுபோல

என் வீட்டில் ஒரு பூனைக்குட்டி.


--
மீரா