ஒரு நிமிடம் வா

என் காதல் கடலை விட ஆழமானது
வானை விட உயர்ந்தது என்ற
அடைமொழிகள் கூற விரும்பவில்லை
நான் இறக்கும் தருவாயில் என்னருகில்
ஒரு நிமிடம் வர்

நான் சுவாசித்த உன் வாசங்களைப் பார்
நான் யாசித்த உன் குரல்தனைக் கேள்
நான் எனக்குள் தீட்டிய உன்
வண்ணங்களை மட்டுமல்ல
வர்ணனைகளையும் வந்து பார்
நான் நேசித்த உன்னை நீ
எனக்குள் வந்து பார்

உன் பெயர் சொல்லி என் அணுக்கள் துடிக்கும்
உன் குரல் கேட்டு என் செல்கள் வெடிக்கும்
உனை பார்த்துக்கொண்டே என் இதயம் சுருங்கி
இதயம் சுருங்கி விரியும்
உனை நினைத்துக்கொண்டே என் ஜீவன்
எனை விட்டுப் பிரியும்.

--
மீரா